Annars konar óhljóð

Kisi er horfinn. Morguninn eftir að ég skrifaði um hann, þá hætti hann þessu breimi. Samt sleppti ég hvorki læðu né doberman hundi til að hafa hemil á honum. Líklegasta skýringin er sú að honum líki illa við ítölsku iðnaðarmennina sem eru að vinna á neðstu hæðinni í húsinu. Þeir byrja nefnilega daginn, kl. 08:00 á því að starta loftpressunni sinni og svo hamast þeir eins og þeir eigi lífið að leysa fram til ca. 10:00. Þegar þeir eru öruggir um að hafa örugglega vakið alla íbúa í nágrenninu, þá hætta þeir á loftpressunni og fara að vinna önnur hljóðlátari störf.